• Other

Kans om balvernuf op die proef te stel

• 1 Week Ago 06 September 2024

Afrocat-sportklub bied Saterdag Brimstone Medical Services se jaarlikse King and Queen of the Court-strandvlugbaltoernooi by A. Shipena hoërskool in Windhoek aan.

Die kompetisie, vernoem ter erkenning van die mediese praktyk se jarelange steun aan Afrocat-vlugbalklub, sal die Koning of Koningin van die Baan-formaat volg vanaf die groepfases tot die kwarteind-, halfeind- en eindrondes.



Vir topspelers en amateurs

Aloisius Ishitile, hoofafrigter en organiseerder van Afrocat, verduidelik dat die geleentheid gestruktureer is om “’n wonderlike geleentheid” te bied vir beide ervare en aspirant-strandvlugbalspelers om te ontmoet en mee te ding.

Twee-aan-'n-kant kategorieë word vir mans en vroue aangebied, terwyl vir sosiale spanne kompetisies vir twee- óf vier-aan-kant opsies is.

Hierdie formaat, het Ishitile gesê, stel deelnemers in staat om volgens hul eie vaardigheidsvlak mee te ding – 'n ideale geleentheid vir nuwelinge om die sport eers in die sosiale kategorieë te verken.

In die meer ernstige afdeling vir ervare mans- en ervare vrouespelers, waar gesogte medaljes en prysgeld vir die top drie posisies op die spel is, het Ishitile gesê nege mans- en ses vrouespanne het ingeskryf.

“In die sosiale kategorieë het 12 spanne vir die twee-aan-’n-kant ingeskryf en twee vir die gemengde vier-aan-’n-kant,” het hy opgemerk.



Verdedigende kampioene

Verlede jaar se kampioene in die ervare kategorieë was Panache Chiguta en Mahachi Kudakwashe (mans) en Beatrix Karongee en Cathylina Tomas (vroue).

Ishitile het beklemtoon dat alles is gereed vir 'n suksesvolle toernooi.

Tydens die afseisoen vir binnenshuise vlugbal, het Ishitile binnenshuise spelers aangemoedig om ook deel te neem en voordeel te trek uit die ondervinding van strandvlugbal.

“Dis wat hierdie toernooi laat uitstaan – die klem om spelers 'n kans te bied om aktief en betrokke te bly sonder om in 'n liga mee te ding.”

– [email protected]