Opwinding oor SA o.19-span se komende toer

Krieket
  • 1 Day Ago 02 April 2025
Krieket Namibië en Krieket Suid-Afrika (KSA) kondig met opwinding 'n opwindende reeks van drie eendagwedstryde van 50 boulbeurte aan tussen die Suid-Afrikaanse o.19-manspan en 'n Krieket Namibië-elftal, wat van 28 April tot 2 Mei in Windhoek plaasvind.

Die reeks sal by Namibië se trotse nuwe krieketvenue, die FNB Namibia-krieketstadion, sowel as die High Performance Oval aangebied word.

Albei venues sal ook wedstryde tydens die 2026 ICC o.19 Mans Wêreldbeker-kriekettoernooi aanbied.

Die reeks sal uiters waardevolle ondervinding vir Namibië se spelers bied terwyl hulle teen een van Afrika se sterkste krieketlande meeding. Die wedstryde sal ook sentraal dien as voorbereiding vir die SA o.19-span voor die komende Wêreldbeker-toernooi.

Johan Muller, uitvoerende hoof van Krieket Namibië, het gesê: “Die verhouding tussen Krieket Namibië en Krieket Suid-Afrika het oor die afgelope drie jaar van krag tot krag gegroei, met die mede-aanbieding van die 2027 ICC Wêreldbeker vir mans ’n bewys van hierdie vennootskap.

“CSA ontvang jaarlikse ons Namibiese jeugspanne as deel van hul jaarlikse Cubs-week en provinsiale toernooie, en ons is trots om op ons beurt die Suid-Afrikaanse o.19-span as deel van hul voorbereiding vir die ICC o.19-Wêreldbeker in 2026 hier te kry.

“Dis 'n voorreg en 'n wonderlike geleentheid vir ons twee lande om ons jong talent ten toon te stel. Ons sien uit na die toernooi."

Krieket Namibië rig 'n ope uitnodiging aan die publiek om puik gehalte jeugvlakkrieket by die spel se nuwe nasionale tuiste te aanskou. Die reeks is ook 'n fantastiese geleentheid vir aanhangers om die toekomstige sterre van Namibiese krieket te ondersteun en die opwinding van internasionale kompetisie op tuisbodem te ervaar.



Die wedstrydbepalings

28 April – Cricket Namibië vs SA o.19 (50 boulbeurte) by FNB Namibia-krieketstadion, 09:00.

30 April – Cricket Namibië vs SA o.19 (50 boulbeurte) by FNB Namibia-krieketstadion, 09:00.

02 Mei – Krieket Namibië vs SA o.19 (50 boulbeurte) by High Performance Oval, 09:00.